توازن په تبعید کې د افغان خبریالانو او د بشري حقونو فعالانو د یوه ټیم له لوري جوړه شوې ډیجیټل رسنۍ ده چې په پښتو، دري او انګلیسي ژبو د افغانستان اړوند مسایلو ته په کره او بې‌طرفه توګه پوښښ ورکوي. دغه تبعید شوي خبریالان او د بشري حقونو فعالان ټول په داوطلبه توګه د توازن لپاره کار کوي. توازن چې د افغانستان د مهمو، په تېره له پوښښ څخه پاتې مسایلو په اړه کره، متوازن او بې‌پرې اطلاعات وړاندې کوي، د یوې ژمنې او مسلکي ډلې له‌خوا مدیریت کېږي او ټول همکاران یې په افغانستان کې د تېر جمهوریت پر مهال د ژورنالېزم ډګر پېژندل شوي خبریالان او مدیران دي.

توازن نه یوازې په درېیمو او بهرنیو هېوادونو، بلکې د افغانستان په بېلابېلو ولایتونو کې هم مسلکي همکاران لري او پر مټ یې په افغانستان کې شته ټولنیز، اقتصادي، امنیتي، فرهنګي او سیاسي وضعیت ته پوښښ ورکوي. د توازن ۷۰ سلنه تمرکز په افغانستان او درېیمو هېوادونو کې د افغانانو د بشري حقونو پر اړوندو مسایلو ور ټول دی او په پوره جرات سره یې په مسلکي، متوازن او معیاري ډول تر نړیوالو ور رسوي. «توازن» اوس په درېوو ژبو د وېب‌پاڼې، ټولنیزو رسنیو او یوټیوب له لارې فعالیت کوي
د توازن مسوولیت دا دی چې په کور دننه او بهر کې خپلو لوستونکو ته پر وخت، کره، متوازن او باوري اطلاعات ور ورسوي. د توازن مثبت او تر نورو رسنیو متفاوت ټکی دا دی چې هم د یوه مسلکي کاري ټيم له لوري اداره کېږي او هم د همدغه ټیم له لوري په بېلابېلو برخو کې خبرونه، راپورونه، فیچرونه، شننې، پاډکسټونه، ځانګړې مرکې او ویډیوګانې تولیدوي  او بیا یې تر تاسو در رسوي.

د توازن ټیم په افغانستان کې د بیان ازادۍ، د رسنیو ازادۍ او ولسواکۍ پر ملاتړ او پیاوړتیا او د ژورنالېزم د اخلاقي اصولو په پام کې نیولو سره په خپل مسلکي‌-‌ژورنالېستیکي کار د یوه داسې افغانستان لپاره چې وګړي یې په‌کې نه یوازې خوندي وي، بلکې خپلو ټولو انساني حقونو ته لاسرسی ولري او د نړۍ د نورو هېوادونو په څېر هوسا، باثباته او ډاډمن ژوند وکړي، فعالیت .کوي