د مسلمانو عالمانو شورا د طالبانو او پاکستان جګړې ته فتوا ورکړه
توازن: د مسلمان عالمانو د نړیوال شورا مشر علي محيالدین قرهداغي الحسیني په یوه فتوا کې د افغانستان او پاکستان ترمنځ د روانې جګړې د درېدلو غوښتنه کړې.
هغه د روژې په وروستیو لسو ورځو کې د طالبانو او پاکستاني پوځیانو ترمنځ د اوربند غوښتنه کړې او ویلي یې دي چې دواړه لوري دې د اختر درناوي لپاره دا کار تر سره کړي.
قرهداغي د اختر له رخصتیو وروسته د دواړو خواوو ترمنځ، د قطر، ترکیې او سعودي عربستان په منځګړتوب د خبرو د پیل غوښتنه کړې.
د طالبانو او پاکستاني پوځیانو سره نښتې وروسته له هغې پیل شوې چې دغه هېواد پر پکتیا اوجلالاباد برید وکړ چې پرمهال یې ۱۷ تنه ملیکان ووژل شول.
طالبانو تېره اونۍ له پاکستان سره غچ اخیستونکي عملیات پیل کړ چې لا هم دوام لري. په دغه جګړه کې پاکستاني لوري هوايي بریدونه وکړل چې پر مهال یې ګڼ شمېر ملکیانو ته مرګژوبله واوښته.
په افغانستان کې د ملګرو ملتونو مرستندویه دفتر یونا ویلي چې د پاکستان او طالبانو ترمنځ د تېرو دوو اونیو نښتو پر مهال شاوخوا ۶۵ تنه افغان ملکيان وژل شوي دي.
طالبانو د روانو نښتو پر مهال پاکستاني اړخ ته د ګڼو زیانونو اړولو خبر ورکړی او په ځینو ولایتونو کې یې پر ضد شپني عملیات دوام لري.